100

Máis de cen programas, unha nova tempada e un novo fogar web

Vivirmos nun mundo finito, programa de Ames Pospetróleo para Ames RadioO pasado mes de maio, case ao final da nosa anterior tempada do programa Vivirmos nun mundo finito, superamos o cento de emisións. Todo un mérito para un programa de radio cidadá, un programa nas ondas da emisora municipal do noso concello, que fala de temas tan pouco presentes nos medios de comunicación coma o colapso, o Decrecemento, o Peak Oil, etc.

Ao comezo da nova tempada, neste outono de 2022, tamén vimos de mudar de ubicación o noso sitio web. Grazas ao aloxamento que nos fornece a Asociación Touda, responsable do Instituto Resiliencia ubicado tamén en Ames, agora xa non dependemos da empresa de WordPress e temos un espazo de noso baixo o dominio Pospetroleo.com, onde xa se viñan ubicando as propostas elaboradas pola nosa asociación e presentadas aos grupos políticos municipais hai uns anos, para facer fronte á crise enerxética que xa entón anticipabamos.

Casdeiro en Ames Radio

Fotografía: Ames Radio.

Así teremos máis facilidades para actualizar a información dispoñible no noso blog, incluídos os audios das emisións de Vivirmos nun mundo finito, que procederemos a poñer ao día o antes posible.

¡Escoitámonos cada semana nas ondas de Ames Radio ou na Internet!

Ah, e tamén vimos de abrir unha nova conta de correo para que vos poñades en contacto directamente coa dirección do programa:

correo electrónico

Novo acto de presentación: Ames Pospetróleo preséntase o venres 17 no Milladoiro

20160617-cartaz-preparando-ames-sen-petroleo-w800Xa temos cartaz para o 2º dos nosos actos de presentación oficial á sociedade amesá. O vindeiro venres 17 de xuño na Casa da Cultura do Milladoiro, ás 20:30 h.

O contido do acto será análogo ao celebrado o pasado sábado en Bertamiráns. Desta volta o alcalde de Ames, José Miñones, si ten confirmada a súa presenza e farémoslle entrega do informe sobre os límites do crecemento que publicara o Parlamento Británico recentemente, e que o compañeiro Ramóm Flores d’as Seixas de Véspera de Nada traduciu ao galego.

Fotograma da película 'Non hai mañá'

Fotograma da película ‘Non hai mañá’

Convidamos a toda a xente de Milladoiro, dos lugares veciños e tamén a todas as persoas que non puideron asistir á presentación de Bertamiráns, para que se acheguen o vindeiro venres para coñecer o problema da fin do petróleo (e a fin do crecemento económico e do modelo de sociedade que coñecemos) mediante o magnífico documental de animación Non hai mañá, de Dermot O’Connor, coñecer o que facemos nas asociacións Véspera de Nada e Ames Pospetróleo, e tamén a exitosa publicación Guía para o descenso enerxético, da que se levan vendidos uns 1.500 exemplares en total das súas 2 edicións até o momento e que recentemente foi traducida ao catalán polos activistas de Argelaguer en Transició.

Despois das intervencións do profesor Xoán Ramón Doldán e do noso presidente, Emilio Román Leis, teremos un debate coas persoas asistentes que esperamos sexa tan frutífero e interesante como o que houbo no acto de Bertamiráns.

capa-guia-descenso-enerxetico-vespera-de-nada-galiza-sen-petroleo-BY-Antia-Barba-Marinho

[Actualización 17/06/16]